भारत-चीन सीमामा सडक बनाउँदै भारत
<p>नयाँदिल्ली। भारत र चीनको सीमामा भारतले एकतर्फी रूपमा सञ्‍चालन गरिरहेको विकास परियोजनालाई लिएर चीनले आपत्ती जनायो।</p>
<p>गालवन उपत्यकामा दुई मुलुकका सैन्य तहमा तनाव उत्पन्‍न हुने परिस्थिति वार्ताको माध्यमबाट हटाउने प्रयास जारी छ।</p>
<p>यहीबीचमा भारतले सीमामा विकासका काम जारी राख्‍न झारखण्डबाट मजदुर लैजाँदै गरेको खुलेको छ।</p>
<p>बीबीसीका अनुसार भारत र चीनबीचको सीमामा सडक निर्माणका लागि एक हजार ६ सय मजदुरलाई लगिँदैछ। ती मजदुर चढेको विशेष रेललाई झारखण्डका मुख्यमन्त्री हेमन्त सोरेनले हरियो झण्डा देखाएर सीमातर्फ पठाएका छन्।</p>
<p>ती मजदुरलाई सीमामा पठाउन ‘बोर्डर रोड अर्गानाइजेसन’ (बीआरओ) र झारखण्ड राज्य सरकारबीच सम्झौता भएको छ। बीआरओले उनीहरूलाई लद्दाख लिएर जाँदैछ। त्यहाँ पुग्नासाथ सीमामा सडक निर्माणमा लगाइने बीआरओले जनाएको छ।</p>
<p>झारखण्डबाट मजदुर लगिँदै गरेको यो पहिलो चरण हो। खासमा करिब तीन हजार पाँच सय जनालाई सीमामा पुर्‍याउने बीआरओको योजना छ। </p>
<p>उनीहरूलाई रणनीतिक महत्त्वको दार्बुक-स्योक-दौलत बेग ओल्डी सडक कालोपत्रे गर्न खटाइनेछ । सीमामा खटिएका भारतीय सेनालाई ‘लजिस्टिक्स’ आपूर्तिका लागि उक्त सडक निर्माण गरिँदै आएको छ ।<br />
</p>
प्रतिक्रिया दिनुहोस्
.jpg)
