पहिराेले गरेकाे जनधनकाे क्षतिप्रति गण्डकी प्रदेशका सभामुखद्वारा दुःख व्यक्त
<p>कास्की। गण्डकी प्रदेशका सभामुख नेत्रनाथ अधिकारीले पर्वतको कुश्मा नगरपालिका-३, दुर्लुङको ढकाल बारीमा गएरातिको पहिरोमा परी आठको मृत्यु र एकजना बेपत्ता भएको घटनाले आफू स्तब्ध भएको बताएका छन्।</p>
<p>आज एक शोक वक्तव्य जारी गर्दै उनले सो दुःखद घटनाका मृतकप्रति भावपूर्ण श्रद्धाञ्जली तथा शोकाकुल परिवारजनमा गहिरो समवेदना व्यक्त गरेका छन्।</p>
<p>संकटपूर्ण यस समयमा परिवार गुमाउने तथा प्रभावित परिवारको उद्धार, राहत तथा पुनःस्थापना तथा पहिरोको जोखिममा परेका वस्ती संरक्षणमा तदारुकताका साथ काम गर्न सभामुख अधिकारीले सरकारसँग आग्रहसमेत गरेका छन्। </p>
<p>घरभन्दा ३०० मिटर माथिबाट आएको सो पहिरोमा परी दुई घरका ९ जना पुरिएकामा आठजनाको शव फेला परेको र एकजना बेपत्ता भएका थिए।</p>
<p>आज नै गण्डकी प्रदेशका आन्तरिक मामिला तथा कानूनमन्त्री हरिबहादुर चुमानले घटनास्थलको निरीक्षण गरी पीडित मृतकका परिवारलाई सरकारका तर्फबाट जनही ५० हजार रूपैयाँका दरले राहत प्रदान गरेका छन्। <em>रासस</em></p>
प्रतिक्रिया दिनुहोस्
.jpg)
