सेती अस्पतालमा डायलासिस गराइरहेका एक पुरुषमा कोरोना संक्रमण
<p style="text-align: justify;">कैलाली। सेती प्रादेशिक अस्पतालमा डायलासिस गराइरहेका एक पुरुषमा कोरोना संक्रमण देखिएको छ।</p>
<p style="text-align: justify;">संक्रमित ती पुरुष यसअघि सोही अस्पतालमा डायलासिस गराउने क्रममा मृत्यु भई कोरोना पुष्टि भएकी महिलासँगै डायलासीस गराउँदै आएको अस्पतालले जनाएको छ। </p>
<p style="text-align: justify;">कैलालीको धनगढी उपमहानगरपालिका वडा नम्वर ४ महिमा टोलकी ५५ वर्षीया महिलाको डायलासिस गराउने क्रममा १० दिनअघि अस्पतालमा मृत्यु भएको थियो।</p>
<p style="text-align: justify;">मृत्युपछि गरिएको उनको स्वाब परीक्षणमा कोभिड-१९ रिपोर्ट पोजिटिभ देखिएको थियो। </p>
<p style="text-align: justify;">दुवै मिर्गौला बिग्रिएपछि सेती अस्पतालमै नियमित डायलासिस गराइरहेका धनगढी उपमहानगरपालिका-३ का ४३ वर्षीय पुरुषमा पनि कोरोना संक्रमण पुष्टि भएको हो।</p>
<p style="text-align: justify;">नियमित सेती अस्पतालमा डायलासिस गराई आफ्नै घरमा रहेका ति पुरुषमा हिजो,३१ जेठमा संक्रमण पाइएको छ। </p>
<p style="text-align: justify;">हिजो सुदूरपश्चिम प्रदेशमा ६४ जनामा कोरोना संक्रमण पुष्टि भएकामध्ये ती पुरुष एक हुन्। </p>
.jpg)
