दुई सय ५९ जना नेपालीलाई ढाकाबाट काठमाडौं ल्याइँदै
<p>काठमाडौं। बंगलादेशमा अलपत्र नेपालीलाई स्वदेश फर्काउन नेपाल वायु सेवा निगमको वाइडबडी विमान ढाकातर्फ उडेको छ।</p>
<p>अपराह्न २.३० मा दुई सय ५९ जना नेपालीलाई लिएर उक्त विमान त्रिभुवन अन्तर्राष्‍ट्रिय विमानस्थलमा अवतरण गर्नेछ।</p>
<p>विदेशमा अलपत्र नेपालीलाई निगमका विमानले आजदेखि स्वदेश ल्याउन शुरु गरेको निगमका प्रवक्ता अर्चना खड्काले बताइन्।</p>
<p>सरकारले विभिन्न मुलुकमा अलपत्र परेका करिब ३० हजार नेपालीलाई स्वदेश फर्काउने तालिका बनाएको छ। उनीहरू जुन महीनाभरिमा स्वदेश ल्याइसकिनेछ।</p>
<p>संस्कृति, पर्यटन तथा नागरिक उड्डयन मन्त्रालयले निगमलाई २४ र हिमालय एअरलाइन्सलाई १९ उडान गर्नेगरी अनुमति दिएको छ। यस्तै २४ वटासम्म विदेशी एयरलाइन्सलाई उडान अनुमति दिइएको छ।</p>
<p>निगमको अपरेसन विभागका अनुसार निगमका विमानले आज ढाका, भोलि माल्दिभ्सको माले र मलेसियाको क्वालालम्पुरमा उडान गर्नेछन्। </p>
<p>यस्तै, १६ जुनमा दुबई र कतारको दोहा, १७ जुनमा अस्ट्रेलियाको सिड्नी, थाइल्यान्डको बैंकक र बहराइन उडान गर्ने तालिका छ। १८ जुनमा साउदी अरेबियाको रियाद र दुबई, १९ जुनमा जापानको नारिता र कुवेत, २० जुनमा साइप्रस, क्‍वालालम्पुर र दोहा उडान हुनेछन्।</p>
प्रतिक्रिया दिनुहोस्
.jpg)
