आईसीयूमा उपचाररत पुरुषमा कोरोना संक्रमण
<p>कैलाली। धनगढीस्थित नवजीवन अस्पतालमा उपचार गराइरहेका एक पुरुषमा कोरोना संक्रमण पुष्टि भएको छ।</p>
<p>कैलालीको गोदावरी नगरपालिका ७ का ४३ वर्षीय पुरुषमा हिजो राति ११ बजे संक्रमण पुष्टि भएको हो। उनी सार्वजनिक यातायातका सदस्य हुन्। दुई दिनदेखि नवजीवन अस्पतालको आईसीयूमा उनी उपचार गराइरहेका थिए।</p>
<p>आकस्मिक केस भएका कारण हिजो राति धनगढीस्थित प्रयोगशालामा जाँच गर्दा उनमा कोभिड-१९ पोजिटिभ पाइएको हो। आईसीयूमा उनको सम्पर्कमा आएका सबैलाई आइसोलेसनमा राखिएको अस्पतालका निर्देशक डा. विदुरमणि ढकालले बताए।</p>
<p>संक्रमण पुष्टि हुनासाथ हिजो राति नै उनलाई सेती प्रादेशिक अस्पतालको आईसीयूमा सारिएको छ।</p>
<p>कञ्‍चनपुरस्थित भारतसँगको सिमानाबाट नेपाल भित्रिने नेपालीलाई क्‍वारेन्टाइनसम्म पुर्‍याउनमा उनको सकृय भूमिका रहेको बुझिएको डा. ढकालले जानकारी दिए।</p>
प्रतिक्रिया दिनुहोस्
.jpg)
