मार्टिन्सको कीर्तिमानी गोलप्रेरित नेपोली फाइनलमा
<p>काठमाडौं। द्रिइस मार्टिन्सको कीर्तिमानी गोलमा नेपोलीले गएराती इन्टर मिलानलाई पराजित गर्दै कोपा इटालियाको फाइनलमा स्थान बनाएको छ। </p>
<p>नेपोलीले पहिलो लेगमा १-० को अग्रता लिएको थियो। तर क्रिष्टियन इरिक्सनले कर्नरबाट सिधै गोल गरेपछि इन्टर मिलानले दोस्रो मिनेटमै अग्रता लिएको थियो। पहिलो हाफ सकिन चार मिनेट बाँकी हुँदा लोरेन्जो इनसिग्नेको पासमा मार्टिन्सले गोल गरेपछि नेपोलीले समग्रममा २-१ को नतिजासहित फाइनलमा स्थान पक्का गर्‍यो। </p>
<p>बेल्जियम फरवार्ड मार्टिन्सको नेपोलीका लागि यो १२२औं गोल हो। जुन स्लोभाकियाका मारेक हामसेकको भन्दा एक गोलले बढी हो। मार्टिन्सलाई नेपोली समर्थकले ‘सिरो’ उपनाम दिएका छन्। उनले क्लबका लिजेन्ड डिएगो म्यारोडोनाभन्दा सात गोल बढी गरिसकेका छन्। </p>
<p>पाँच पटकको विजेता नेपोलीले अब फाइनलमा युभेन्टसविरुद्ध उपाधिका लागि प्रतिस्पर्धा गर्नेछ। नेपोलीले पछिल्लो पटक २०१४ मा उपाधि जितेको थियो। फाइनल खेल बुधबार रोमको ओलम्पिक रंगशालामा हुनेछ। </p>
<p>पहिलो लेग १२ फेब्रुअरीमा भएको थियो। मिलानमा भएको पहिलो लेगमा ६० हजार दर्शक उपस्थित थिए। उक्त खेलमा नेपोलीका फाबियन रूइजले गोल गरेका थिए।</p>
प्रतिक्रिया दिनुहोस्
.jpg)
