कैलालीका नदीमा देखिन थाले डल्फिन
<p>कैलाली। पानीको जलस्तर वृद्धि भएसँगै कैलालीका मोहना, पथरैया र काँडा नदीमा डल्फिन देखिन थालेका छन्।</p>
<p>एक ठाउँबाट अर्को ठाउँमा बसाइँ सर्न मन पराउने डल्फिन कर्णाली हुँदै साना नदीमा आएका हुन्।</p>
<p>अरू बेला मध्य असारदेखि मात्रै देखिने डल्फिन यस वर्ष पानी परिरहेका कारण जेठ अन्तिममै देखिन थालेका छन्।</p>
<p>असारदेखि असोजसम्म यी नदीमा डल्फिन सजिलै देख्‍न सकिन्छ। शनिबार दिउँसो मोहना र पथरैया नदीको दोभान क्षेत्रमा दुई वटा डल्फिन देखा परेको डल्फिन संरक्षण उपकेन्द्र टीकापुर नगरपालिका ७ बैदी ढुंगाना टोलका अध्यक्ष भोजराज ढुंगानाले बताए।</p>
<p>उनका अनुसार अरू वर्ष असार दोस्रो सातादेखि मात्रै डल्फिन देखिन्थे।</p>
<p>डल्फिन हेर्न मोहना, पथरैया र काँडा नदीको दोभानमा स्वदेशी-विदेशी पर्यटक आउने गरेको उनले बताए। उनका अनुसार अमेरिका, इंग्ल्यान्ड, थाइल्यान्ड, अस्ट्रेलिया, फ्रान्स, भारतका पर्यटक डल्फिन हेर्न आउने गरेका छन्।</p>
प्रतिक्रिया दिनुहोस्
.jpg)
