पेरुका ती चिकित्सक, जसले कोरोना संक्रमितलाई दिए रसायन खाने सल्लाह
<p>लिमा। दक्षिण अमेरिकी मुलुक पेरुका एक चिकित्सक कोरोना भाइरसबाट संक्रमित व्यक्तिलाई घातक औषधि खाने सल्लाह दिएपछि बर्खास्त भएका छन्।</p>
<p>उनले क्लोरिन डाइअक्साइड नामक रसायन खाएमा कोभिड-१९ को बिरामी निको हुने भ्रम मानिसमा फैलाउन खोजेका थिए। उनको भनाइ सार्वजनिक हुनासाथ सरकारले उनलाई पदबाट हटाएको छ।</p>
<p>डा. अमिलकार वांकावारी पेरुको दक्षिणी प्रान्त आयाइचोमा रेस्पोन्स टीमका प्रमुख थिए।</p>
<p>क्लोरिन डाइअक्साइड कीटनाशक रसायन हो, जसको प्रयोग उद्योगहरूमा गर्ने गरिन्छ। मानिसका लागि यो घातक रसायन हो।</p>
<p>डा. वांकावारीले जसलाई कोरोना भाइरसको लक्षण देखिन्छ, तत्काल उक्त कीटनाशक दिनुपर्ने बताएका थिए। त्यसबाट बिरामीको स्वास्थ्यमा सुधार देखिएको दाबी उनको थियो।</p>
<p>प्रान्तका गभर्नर कार्लोस रुआले उनको अभिव्यक्ति आउनासाथ पदबाट बर्खास्त गरिएको घोषणा गरेका हुन्।</p>
प्रतिक्रिया दिनुहोस्
.jpg)
