कैलालीका थप ६ स्थानमा सशस्त्रका बोर्डर आउट पोस्ट
<p>कैलाली। सशस्त्र प्रहरीले कैलालीका ६ स्थानमा बोर्डर आउट पोस्ट (बीओपी) स्थापना गरेको छ।</p>
<p>कैलालीको भारतसँग एक सय एक किलोमिटर सीमा जोडिएको छ। यसअघि तीनवटा बीओपी स्थापना भइसकेका थिए।</p>
<p>सशस्त्र प्रहरीको नम्बर ३४ गणका गणपति एसपी कमलप्रसाद तिमिल्सिनाका अनुसार ३० मंसिर २०७६ को मन्त्रिपरिषद्ले भारतसँगको सीमामा थप एक सय १४ वटा बीओपी स्थापना गर्ने निर्णय गरेको थियो। तीमध्ये ६ वटा कैलालीमा परेका थिए।</p>
<p>कैलारी गाउँपालिका ७ भुइँयाफाँटा, धनगढी उपमहानगरपालिका ९ बंगराकटान, १० जुगेडा, कैलारी गाउँपालिका ३ खोनपुर, भजनी नगरपालिका ७ हिक्मतपुर र टीकापुर नगरपालिका ८ श्रीलंकाटापुमा बीओपी स्थापना भएका हुन्। </p>
<p>सशस्त्र प्रहरीको वैद्यनाथ बाहिनी प्रमुख डीआईजी हरिशंकर बुढाथोकीले ती सबै बीओपी उद्घाटन गरेका थिए।</p>
प्रतिक्रिया दिनुहोस्
.jpg)
