.jpg)
विदेशमा अलपत्र ५११ नेपाली स्वदेश फिर्ता
<p>काठमाडौं। गैरआवासीय नेपाली संघ (एनआरएनए) ले हिजो, २९ जेठसम्म विदेशमा अलपत्र परेका ५०० भन्दा बढी नेपालीको उद्धार गरिएको जनाएको छ।</p>
<p>संघका अध्यक्ष कुमार पन्तका अनुसार हिजो मात्र कुवेत सरकारको सहयोगमा २९९ नेपाली स्वदेश फर्किएका छन्।</p>
<p>कुवेतको घर फिर्ती शिविरमा थप दुई हजार ९९१ जना रहेको र उनीहरूलाई हरेक दिन दुई उडान गरी फर्काउने तयारी भइरहेको पन्तले बताए। गैरआवासीय नेपाली संघ कुवेत र नेपाली दूतावासको समन्वयनमा उनीहरूलाई नेपाल फर्किन सहयोग गरिएको थियो । </p>
<p>अहिलेसम्म म्यानमारबाट २६, दुबईबाट १६८, अष्ट्रेलियाबाट ११, जापानबाट सात र कुवेतबाट २९९ गरी पछिल्लो समय ५११ जनालाई उद्धार गरिसकिएको छ ।</p>
<p>अलपत्र परेका बाँकी नेपालीको उद्धारका लागि यथाशीघ्र पहल गर्न एनआरएनएले सरकारसँग आग्रह गरेको छ।</p>
<p>विभिन्‍न देशबाट कूल ५० हजार ९३ जनाले निवेदन दिएकामा प्राथमिकताका आधारमा परराष्ट्र मन्त्रालयले चार्टर्ड विमानमार्फत २४ हजार १४८ जनालाई मात्र फिर्ता ल्याउन सिफारिस गरेको छ।</p>
<p>कोभिड-१९ को प्रभावका कारणले मलेशिया र खाडी देशमा मात्र करीब २० हजार नेपाली पहिलो चरणमा उद्धारको पर्खाइमा छन् । <em>रासस</em></p>
प्रतिक्रिया दिनुहोस्
.jpg)
