अमेरिकामा कामबाट निकालिएका १५ लाखले गरे बेरोजगार भत्ताको दावी
<p>काठमाडौं। अमेरिकामा कामबाट निकालिएर वेरोजगारी भत्ताको दावी गर्नेहरुको संख्या १५ लाख पुगेको छ ।</p>
<p>अघिल्लो हप्तासम्म यसरी बेरोजगारी भत्ता दावी गर्नेहरुको सङ्ख्या अनपेक्षित भएको अधिकारीहरुले बताएका छन् ।</p>
<p>अहिले पनि धेरै अमेरिकीहरुले जागिर गुमाउने क्रम जारी नै रहेको उनीहरुले जानकारी दिएका छन्। अर्थतन्त्र र बजारमा विस्तारै सुधार हुँदै गएपनि रोजगारी गुमाउने क्रममा भने नरोकिएको हो ।</p>
<p>अमेरिकामा अहिले धेरै क्षेत्रमा व्यापारिक गतिविधिहरु आंशिक रूपमा भएपनि सञ्चालन हुँदै आएका छन्।</p>
<p>श्रम विभागले सार्वजनिक गरेको पछिल्लो विवरण अनुसार कामबाट निस्काशित हुनेहरुको संख्या अहिलेसम्मकै धेरै देखिएको छ। </p>
<p>विषेश गरेर रेस्टुरेन्ट, खुद्रा व्यापारहरु र साना व्यवसायमा कार्यरतहरु जागिरबाट निस्काशित भएको पाइएको अधिकारीहरुले बताएका छन् ।</p>
<p>उनीहरुलाई रोजगारदाताले फेरि बोलाउने अपेक्षा गरिएपनि निश्चित भने नभएको बताइएको छ ।</p>
<p>अमेरिकामा रोजगारी गुमाउनेहरुको संख्या दिनप्रतिदिन बढ्दै गएपछि बेरोजगारी भत्ता दिनुपर्ने बाध्यताले सरकार थप अफ्ठ्यारोमा परेको छ।</p>
<p>व्यापार व्यवसाय घट्ने, बेरोजगारी बढ्ने र ठूलो रकम बेरोजगारी भत्ताको रुपमा वितरण गर्नुपर्ने बाध्यताले मुलुककै आर्थिक क्षमतामा असर पर्नसक्ने अनुमान गरिएको छ। <em>रासस</em></p>
प्रतिक्रिया दिनुहोस्
.jpg)
