बैतडीको क्वारेन्टाइनबाट पाँच हजार जना घर फर्किए
<p>बैतडी। भारत तथा तेस्रो मुलुकबाट फर्केर बैतडीमा अहिलेसम्म नौ हजार ५२१ जना क्वारेन्ठाइनमा बसिसकेका छन्। </p>
<p>सोमध्ये चार हजार १५० जना अझै क्वारेन्टाइनमै रहेका सहायक प्रमुख जिल्ला अधिकारी लोकेन्द्रसिंह नेगीले बताए।</p>
<p>हाल क्वारेन्टाइनमा बस्नेमा भारतबाट फर्केर १४ दिन अवधि नकटेका रहेका उहाँले बताउनुभयो।</p>
<p>उनीहरूको कोभिड-१९ परीक्षण भइरहेको र परीक्षणपश्चात घर पठाइने जनाइएको छ। क्वारेन्टाइनको १४ दिन बसाइपछि भने पाँच हजार ३७१ जना घर फर्किसकेका छन्। </p>
<p>यसैबीच जिल्लामा हालसम्म छ हजार ९७७ जनाको कोरोना परीक्षण गरिएको छ। त्यसमध्ये छ हजार ३८४ जनाको आरडीटी विधिबाट गरिएको हो भने ५९३ जनाको पीसीआर विधिबाट गरिएको स्वास्थ्य कार्यालयले जनाएको छ।</p>
<p>पीसीआर विधिबाट गरिएको परीक्षणमा दुईजनाको पोजिटिभ आएको छ।</p>
<p>जिल्लाका सबै स्थानीय तहमा गरेर १९६ स्थानमा छ हजार २३९ बेडको क्वारेन्टाइन स्थापना गरिएका छन्।</p>
<p>बैतडीमा गत चैत ११ गतेदेखि क्वारेन्टाइनमा राख्न शुरु गरिएको थियो । <em>रासस</em></p>
प्रतिक्रिया दिनुहोस्
.jpg)
