एकैदिन १८७ जना कोरोनामुक्त भएर घर फर्किए
<p style="text-align: justify;">काठमाडौं। नेपालमा पछिल्लो २४ घण्टामा अहिलेसम्मकै धेरै कोरोना संक्रमित डिस्चार्ज भएका छन्।</p>
<p style="text-align: justify;">स्वास्थ्य तथा जनसंख्या मन्त्रालयले दिएको जानकारी अनुसार विभिन्न अस्पतालमा उपचार गराइरहेका १८७ जना संक्रमित कोरोनामुक्त भएका हुन्।</p>
<p style="text-align: justify;">उनीहरूका पछिल्ला परीक्षण रिपोर्ट नेगेटिभ आएपछि डिस्चार्ज गरिएको मन्त्रालयले जनाएको छ।</p>
<p style="text-align: justify;">मन्त्रालयका अनुसार हालसम्म देशैभर ८६१ जना कोरोना संक्रमित डिस्चार्ज भइसकेका छन्।</p>
<p style="text-align: justify;">मन्त्रालयका अनुसार हालसम्म पीसीआर विधिबाट एक लाख १५ हजार ९३० नमूना परीक्षण भएका छन्। </p>
<p style="text-align: justify;">पछिल्लो २४ घण्टामा मात्रै ५ हजार १९४ नमूना परीक्षण गरिएका छन्। </p>
<p style="text-align: justify;">त्यस्तै, आरडीटी किट विधिबाट हालसम्म एकलाख ७८ हजार १४३ नमूना परीक्षण भएका छन् भने पछिल्लो २४ घण्टामा ५ हजार २६३ नमूना परीक्षण भएका छन्। </p>
<p style="text-align: justify;">क्वारेन्टाइनमा देशैभर एक लाख ६२ हजार १३ जना रहेको स्वास्थ्य तथा जनसंख्या मन्त्रालयले जनाएको छ।</p>
.jpg)
