बुरुन्डीका राष्ट्रपति पियरेको हृदयाघातबाट निधन
<p>गिटेगा। बुरुन्डीका राष्‍ट्र पियरे कुरुन्जिजाको हृदयाघातबाट निधन भएको छ।</p>
<p>१५ वर्षदेखि बुरुन्डीमा एकछत्र शासन चलाएका उनी ५५ वर्षका थिए।</p>
<p>रक्तपातपूर्ण गृहयुद्ध समाप्तिपछि उनले सन् २००५ मा मुलुकको राष्‍ट्रपतिको पद सम्हालेका थिए। उनी पूर्वलडाकु नेता हुन्।</p>
<p>गत महीना भएको आम चुनावका विजेता तथा आफ्ना मित्र एभरिस्टे दायिसिमियेलाई सत्ता हस्तान्तरणको तयारीमा रहेकै वेला उनको निधन भएको हो।</p>
<p>सत्ता हस्तान्तरणका क्रममा सम्भावित हिंसा रोक्न सरकारले कदम उठाउँदै थियो।</p>
<p>बुरुन्डीको आर्थिक राजधानी मानिने बुजुम्बुरामा जन्मेका उनी सशस्त्र विद्रोहमा लाग्‍नुअघि विश्‍वविद्यालयका शिक्षक थिए।</p>
<p>तुत्सी समुदायकी नर्स आमा र हुटु समुदायका राजनीतिक नेता बाबुका उनी ६ मध्ये एक सन्तान थिए। उनका बाबु सन् १९७२ को साम्प्रदायिक हिंसामा मारिएका थिए, जो त्यतिवेला प्रान्तीय गभर्नर थिए।</p>
प्रतिक्रिया दिनुहोस्
.jpg)
