दक्षिण कोरियामा ४५, चीनमा ११ नयाँ संक्रमित
<p>सोल। दक्षिण कोरियामा पछिल्लो २४ घण्टामा ४० वटा स्थानीय संक्रमितसहित कोभिड-१९ का ४५ जना नयाँ संक्रमित थपिएका छन्।</p>
<p>केन्द्रीय रोग नियन्त्रण तथा रोकथाम केन्द्रका अनुसार अघिल्लो दिन ५० नयाँ संक्रमित फेला परेका थिए।</p>
<p>यससँगै दक्षिण कोरियामा कोरोना भाइरसबाट संक्रमित हुनेको संख्या ११ हजार नौ सय ४७ जना पुगेको छ।</p>
<p>तीमध्ये १० हजार ६ सय ५४ जना उपचारपछि घर फिरिसकेका छन्। हालसम्म दक्षिण कोरियामा दुई सय ७६ जनाले ज्यान गुमाएका छन्।</p>
<p>यस्तै, कोरोना भाइरसको उद्गम थलो चीनमा ११ जना आयातीत बिरामी थपिएका छन्।</p>
<p>स्थानीयस्तरको संक्रमण र मृत्यु भने पाइएको छैन। अन्य एक सय ३० जना स्वास्थ्यकर्मीको निगरानीमा छन्।</p>
<p>चीनमा हालसम्म संक्रमित संख्या ८३ हजार ५७ पुगेको छ भने चार हजार ६ सय ३४ जनाले ज्यान गुमाएका छन्।</p>
प्रतिक्रिया दिनुहोस्
.jpg)
