वागमती प्रदेशमा १४४ मा कोरोना संक्रमण, चारको मृत्यु
<p>हेटौंडा। वागमती प्रदेशमा हालसम्म एक सय ४४ जनामा कोरोना भाइरस संक्रमण पुष्टि भएको छ। हालसम्म प्रदेशमा कोरोना भाइरसका कारण ज्यान गुमाउनेको संख्या चार पुगेको छ।</p>
<p>प्रदेशको सामाजिक विकास मन्त्रालयका अनुसार तीमध्ये ३७ संक्रमित उपचारपछि घर फर्केका छन्। बाँकी एक सय तीन जनाको उपचार भइरहेको छ।</p>
<p>मन्त्रालयको कोरोना विभाग प्रमुख डा. पुरुषोत्तम सेढाईंका अनुसार प्रदेशका १३ जिल्लामध्ये चितवनमा सबैभन्दा बढी ३१ जनामा संक्रमण पुष्टि भएको छ।</p>
<p>यसअघि कोरोना संक्रमणमा पहिलो रहेको काठमाडौंलाई चितवनसहित धादिङले पनि उछिनेका छन्। कोरोना संक्रमितको संख्या धादिङमा २९ र काठमाडौंमा २७ छ।</p>
<p>दोलखामा हिजो दुई जनामा संक्रमण पुष्टि भएको छ। रसुवा भने हालसम्म संक्रमणबाट मुक्त छ। <em><strong>रासस</strong></em></p>
प्रतिक्रिया दिनुहोस्
.jpg)
