कोरोना भाइरसमा मौसमको प्रभाव देखिएनः डब्लूएचओ
<p>जेनेभा। विश्व स्वास्थ्य संगठन (डब्लूएचओ) ले कोरोना भाइरसमा मौसमको प्रभाव नदेखिएको स्पष्‍ट पारेको छ। भाइरसको प्रसारमा गर्मीको प्रभाव परेको नपाइएको डब्लूएचओले बताएको हो।</p>
<p>“अहिले हामी मौसम परिवर्तन या तापमान बढ्नु कोरोना भाइरसलाई जवाफ हुन सक्छ भनेर हामी भरोसा गरेर बस्‍न सक्दैनौं,” डब्लूएचओका इमर्जेन्सी कार्यक्रम प्रमुख माइक र्‍यानले भने।</p>
<p>तत्कालका लागि मौसम परिवर्तनबाट भाइरसको जोखिम कम हुन्छ या अझ तीव्र गतिमा फैलिन्छ भन्‍ने कुनै डाटाबेस उपलब्ध नभएको र्‍यानले बताए।</p>
<p>महामारीको शुरुवाती चरणमा गर्मी मौसमसँगै संक्रमण कम हुने आकलन थियो। किनकि, त्यतिवेला जाडो मौसम थियो। तर, जब गर्मी बढ्दै गयो, कोरोना प्रसार रोकिएन।</p>
<p>र्‍यानले कतिवय मुलुकमा व्यक्तिगत सुरक्षा सामग्री (पीपीई) अभाव रहेकामा चिन्ता व्यक्त गरे। “कतिपय मुलुकमा स्वास्थ्य सुविधाको स्थिति साह्रै खराब छ र ती मुलुकको अवस्था चिन्ताजनक पनि छ,” उनले भने।</p>
प्रतिक्रिया दिनुहोस्
.jpg)
