कोभिड-१९ महामारीबीच चुनावी र्याली शुरु गर्दै ट्रम्प
<p>वासिङ्टन। अमेरिकी राष्ट्रपति डोनाल्ड ट्रम्पले कोभिड-१९ को महामारीबीच चुनावी र्‍याली शुरु गर्ने घोषणा गरेका छन्।</p>
<p>महामारीका कारण तीन महीनाअघि उनको चुनावी र्‍याली स्थगित भएको थियो।</p>
<p>बीबीसीका अनुसार ह्वाइट हाउसमा पत्रकारहरूलाई सम्बोधन गर्दै ट्रम्पले र्‍यालीको शुरुवात ओकाहोमा, फ्लोरिडा, एरिजोना र नर्थ क्यारोलिना राज्यबाट गर्ने जानकारी दिए। </p>
<p>चारवटा राज्यमा पनि ओकाहोमाको टस्लामा पहिलो र्‍याली आगामी साता आयोजना गरिने उनले बताए।</p>
<p>र्‍यालीका क्रममा कोभिड-१९ को प्रसार रोक्न कस्तो उपाय अवलम्बन गर्नेछन् भन्ने उनले खुलाएनन्।</p>
<p>राष्ट्रपतिको दोस्रो कार्यकालका लागि ट्रम्प चुनावी मैदानमा छन्। आगामी नोभेम्बरमा हुने चुनावमा उनले सामना डेमोक्रेटिक पार्टीका नेता जोय बाइडेनसँग हुँदैछ।</p>
प्रतिक्रिया दिनुहोस्
.jpg)
