कालिकोट टिपर दुर्घटना अपडेट : दुईको मृत्यु, छ यात्रु बेपत्ता
<p style="text-align: justify;">काठमाडौ। कालीकोटको नरहरिनाथ गाउँपालिका-१ मा <a href="https://www.dekhapadhi.com/news/14892" target="_blank">कर्णाली नदीमा टिपर दुर्घटना </a>हुँदा दुईजनाको मृत्यु भएको छ।</p>
<p style="text-align: justify;">सो दुर्घटनामा छ जना बेपत्ता भएका छन्।</p>
<p style="text-align: justify;">कर्णाली प्रदेश प्रहरी कार्यालयका प्रमुख डीआईजी बसन्तराज पन्तले ३९ जना सवारमध्ये अहिलेसम्म दुईजनाको मृत्यु भएको बताए।</p>
<p style="text-align: justify;">बेपत्ता छ जनाको खोजी कार्य जारी रहेको पन्‍तले जानकारी दिए।</p>
<p style="text-align: justify;">“दुर्घटनामा ३१ जना घाईते भएका छन्। ती मध्ये ४ जनाको अवस्था गम्भीर छ”, उनले भने, “गम्भीर घाईतेलाई अस्पताल पुर्‍याइएको छ। अन्यको उद्धार कार्य जारी छ।”</p>
<p style="text-align: justify;">ना. ८ ख ५१३३ नम्बरको टिपर आज बिहान साढे १० बजेको समयमा कर्णाली नदीमा खसेको थियो।</p>
<p style="text-align: justify;">भारतबाट आएर जिल्लाकै होल्डिङ क्षेत्रमा रहेका रास्कोटमा स्थानीयलाई क्वारेन्टाइनमा राख्न लैजाने क्रममा टिपर दुर्घटना भएको हो।</p>
.jpg)
