३९ यात्रु बोकेको टिपर कर्णालीमा खस्यो, २ को मृत्यु, अन्य बेपत्ता
<p>काठमाडौं। कालिकोटको नरहरिनाथ गाउँपालिका–१ मा ३९ जना यात्री बोकेको टिपर कर्णाली नदीमा खसेको छ।</p>
<p>टिपरमा सवार ३९ यात्री भारतबाट आएका हुन् । उनीहरूलाई होल्डिङ सेन्टरबाट क्‍वारेन्टाइनतर्फ लगिँदै थियो ।</p>
<p>अहिले बिहान साढे १० बजेतिर रास्कोट नगरपालिकातर्फ गइरहेको टिपर कर्णाली नदीमा खसेर दुर्घटना भएको कर्णाली प्रदेश प्रहरी प्रमुख डीआईजी बसन्तकुमार पन्तले जानकारी दिए।</p>
<p>उनका अनुसार घटनास्थलमा २ जना मृत भेटिएका छन्। अन्यको उद्दार कार्य जारी छ।</p>
<p>“त्यहाँ अहिले नेपाली सेना, नेपाल प्रहरी र स्थानीयवासीले उद्दार गरिरहेका छन्,” उनले भने, “विस्तृत जानकारी आइसकेको छैन। टोलीहरु परिचालन भएका छन्।”</p>
प्रतिक्रिया दिनुहोस्
.jpg)
