भारतमा एकैदिन थपिए नौ हजार ९८७ संक्रमित
<p>नयाँदिल्ली। भारतमा हिजो एकै दिन नौ हजार नौ सय ८७ जना नयाँ सक्रमित थपिएका छन्। यस्तै, पछिल्लो २४ घण्टामा दुई सय ७१ जनाको मृत्यु भएको छ।</p>
<p>यससँगै भारतमा कोरोना संक्रमितको संख्या दुई लाख ७६ हजार नाघेको छ। यस्तै, हालसम्म सात हजार सात सय ४५ जनाको मृत्यु भएको छ।</p>
<p>केन्द्रीय स्वास्थ्य मन्त्रालयका अनुसार पछिल्लो २४ घण्टामा महाराष्‍ट्रमा सबैभन्दा बढी दुई हजार दुई सय ५९ जनामा कोभिड-१९ पोजिटिभ देखिएको छ।</p>
<p>दक्षिणी राज्य तमिलनाडुमा पनि उल्लेख्य संख्यामा संक्रमित थपिएका छन्। महाराष्‍ट्र र तमिलनाडुले देशभरका संक्रमितमध्ये करिब २० प्रतिशत हिस्सा ओगटेका छन्। राजस्थान र आन्ध्रप्रदेशमा पनि संक्रमित संख्या उकालो लागेको छ।</p>
<p>एक लाख ३३ हजार ६ सय ३२ जनामा अझै कोरोना भाइरस सक्रिय छ। यस्तै, एक लाख ३५ हजार जना पूर्ण रूपमा निको भएर घर फिरेका छन्, जुन कुल संक्रमितको करिब ४८ प्रतिशत हो।</p>
प्रतिक्रिया दिनुहोस्
.jpg)
