म्याग्दीमा पहिरोमा पुरिएर दुईको मृत्यु
<p>म्याग्दी। जिल्लाको रघुगंगा गाउँपालिका-६ रायखोरमा पहिरोमा पुरिएर गए राति दुई जनाको मृत्यु भएको छ।</p>
<p>प्रहरीका अनुसार ५० वर्षीया हमाया शेरपुञ्जा र चार वर्षीया सिम्रन छन्त्यालको पहिरोले परिएर मृत्यु भएको हो। जिल्ला प्रहरी कार्यालय म्याग्दीका निरीक्षक ध्रुवप्रसाद शर्माका अनुसार हिजो राति ११ बजेतिर उनीहरू सुतिरहेको गोठ लेदोसहितको पहिरोले पुरिएको थियो।</p>
<p>सुतिरहेको अवस्थामा वर्षापछि माथिबाट आएको पहिरोले पुरिएका हुन्। पाखापानी प्रहरी चौकीका सहायक निरीक्षक ढकबहादुर हमालको नेतृत्वमा गएको प्रहरी र स्थानीयवासीले हमाया र रोशनीलाई मृत फेला पारेका थिए।</p>
<p>पहिरोले पुरिएर ढुंगा, माटोले बनेको जस्ताको छानोको गोठमा रहेको अन्नपात, भाँडावर्तनलगायत सबै नष्ट भएको छ। पशुचौपायाको भने क्षति भएको छैन। थप उद्धार र अनुसन्धानका लागि आज बिहान प्रहरी निरीक्षक शर्माको नेतृत्वको टोली घटनास्थल गएको छ। <em><strong>रासस</strong></em></p>
प्रतिक्रिया दिनुहोस्
.jpg)
