धनुषामा गोली हानी २५ वर्षीय युवकको हत्या
<p>काठमाडौं। धनुषामा गोली हानेर एक २५ वर्षीय युवककोे हत्या भएको छ।</p>
<p>घरमा रहेका उनलाई राति बाहिर बोलाएर करिब दुईसय मिटर पर लगी हत्या गरिएको प्रहरीले जनाएको छ। उनको कन्चटमा गोली लागेको छ।</p>
<p>धनुषाको सबैला नगरपालिका ७ का २५ वर्षीय अरुण मण्डलको हत्या भएको २ नम्बर प्रदेश प्रहरी कार्यालयका प्रवक्ता एसपी जयराज सापकोटाले जानकारी दिए।</p>
<p>“गोली हानेर हत्या गरेको देखिन्छ,” उनले भने, “अनुसन्धान गर्दैछौं। हत्या कसले र किन गर्‍यो त्यसपछि बाहिर आउला।”</p>
<p>उनका अनुसार अहिले जिल्ला प्रहरी कार्यालयका एसपीसहितको टोली घटनास्थलमा पुगेर अनुसन्धान गरिरहेको छ।</p>
प्रतिक्रिया दिनुहोस्
.jpg)
