कोरोना संक्रमित महिलाको शल्यक्रिया सफल
<p>नेपालगञ्‍ज। बाँकेको कोहलपुरस्थित शिक्षण अस्पतालमा भर्ना भएकी अछामकी कोरोना संक्रमित महिलाको शल्यक्रिया सफल भएको छ।</p>
<p>अछामको बयलपाटा अस्पतालमा उपचार असम्भव भएपछि सोमबार हेलिकोप्टरमार्फत कोहलपुरस्थित शिक्षण अस्पतालमा ल्याएर भर्ना गरिएकी २५ वर्षीया उनको हिजो दिउँसो शल्यक्रिया गरिएको हो।</p>
<p>१८ साताकी गर्भवती उनको आन्द्रा बेरिने समस्या थियो। डा. प्रदीप थापा, डा. आशिष भट्टलगायतको टोलीले शल्यक्रिया गरेको हो। महिलाको स्वास्थ्य अवस्था सामान्य छ।</p>
<p>अछाम चोरकोट गाउँपालिका-५ की उनको अछामको बयलपाटा अस्पतालमा अवस्था बिग्रिएपछि सोमबार हेलिकोप्टरबाट कोहलपुर ल्याइएको थियो। <strong>रासस</strong></p>
प्रतिक्रिया दिनुहोस्
.jpg)
