जापानमा साइकलको घण्टी बजाए ५ सय डलर जरिवाना
<p>टोकियो। कोभिड-१९ को महामारीका वेला जापानमा मानिस साइकलतिर आकर्षित भएका छन्। काममा जान-फर्किन सार्वजनिक यातायातको भीडबाट टाढा रहन्छन्, उनीहरू।</p>
<p>बस, मेट्रो रेललगायत यातायातका साधनमा मानिसको रुचि देखिएको छैन। र, जापानको प्रशासनले साइकल चलाउन केही दिशा-निर्देश जारी गरेको छ।</p>
<p>सडकमा साइकलको घण्टी बजाउन प्रतिबन्ध लगाइएको छ। त्यति मात्रै होइन, बिनाकारण ब्रेक लगाउन पनि पाइँदैन। पैदलयात्री हिँड्ने फुटपाथ जाम गराउन पनि नपाइने नियम लगाइएको छ।</p>
<p>साइकल यात्रीकै सुरक्षा प्रत्याभूतिका लागि यस्तो नियम लागू गरिएको प्रशासनको भनाइ छ।</p>
<p>सडकमा घण्टी बजाउँदा साइकल चालकले पाँच सय अमेरिकी डलर जरिवाना तिर्नुपर्नेछ। यो नियम १४ वर्षभन्दा माथिको उमेरका सबैमा लागू हुनेछ।</p>
<p>यस्तै, प्रशासनले तयार पारेको ट्राफिक सुरक्षा कोर्समा पनि सहभागी हुनुपर्ने नियम ल्याइएको छ। जापानका सामाजिक सञ्‍जाल प्रयोगकर्ताले सरकारी नियमलाई हँसी-मजाकको विषय बनाएका छन्।</p>
प्रतिक्रिया दिनुहोस्
.jpg)
