भरतपुर अस्पतालमा मृत्यु भएका संक्रमितको उपचारमा संलग्न चिकित्सकमा पनि कोरोना संक्रमण
<p>काठमाडौं। भरतपुर अस्पतालको आईसीयूमा मृत्यु भएका कोरोना संक्रमित बिरामीको उपचारमा संलग्‍न चिकित्सकलाई पनि कोरोना संक्रमण पुष्टि भएको छ।</p>
<p>आज बिहान मृत्यु भएका ६८ वर्षीय व्यक्तिको पाँच दिनदेखि नारायणी सामुदायिक अस्पतालमा आईसीयूमा राखेर उपचार भइरहेको थियो।</p>
<p>त्यहीं उपचारमा संलग्‍न रहेका चिकित्सकमा पनि कोरोना संक्रमण पुष्टि भएको भरतपुर अस्पतालका मेडिकल सुपरिटेन्डेन्ट डाक्टर श्रीराम तिवारीले जानकारी दिए।</p>
<p>हिजो मृतक व्यक्ति र उनको उपचारमा संलग्न चिकित्सकमा कोरोना संक्रमण पुष्टि भएको थियो। भरतपुर महानगरपालिका ११ घर भएका ६८ वर्षीय वृद्धमा कोरोना संक्रमण पुष्टि भएपछि हिजो साँझ नारायणी अस्पतालबाट भरतपुर अस्पतालको आईसीयूमा सारिएको थियो।</p>
<p>आईसीयूमा नै उपचार भइरहेको बिरामीलाई नारायणी अस्पतालले संक्रमण पुष्टि भएपछि समन्वय नै नगरेर अक्सिजनको भरमा भरतपुर अस्पताल पठाएको थियो।</p>
प्रतिक्रिया दिनुहोस्
.jpg)
