रूपन्देहीमा हत्या भएका पाँचैजनाको सनाखत, एक पक्राउ
<p>काठमाडौं। रुपन्देहीको तिलोत्तमामा रहेको एक भैंसीफार्ममा हत्या गरिएका पाँचैजनाको सनाखत भएको छ।</p>
<p>जिल्ला प्रहरी कार्यालय रुपन्देहीका अनुसार हत्या गरिएकामा एकजना महिला र चारजना पुरुष छन्।</p>
<p>तिलोत्तमा नगरपालिका १० को कान्छीबजारमा पाँचैजनाको गएराति सामुहिक हत्या भएको हो। हत्या गरिएकाहरुमा माधव मुसहर, जानकी मुसहर, पोषराज मुसहर, करण चौधरी र आशिष चौधरी रहेको प्रहरीले जनाएको छ।</p>
<p>उनीहरुको सनाखत भए पनि ठेगाना भने खुलिसकेको छैन। चारजनाको घटनास्थलमा र एकजनाको उपचारका लागि लैजाने क्रममा मृत्यु भएको हो।</p>
<p>प्रहरीले अनुसन्धानका लागि एकजनालाई नियन्त्रणमा लिएको छ। सुर्खेतका झसेन्द्र सिंजालीलाई प्रहरीले पक्राउ गरेको हो। स्थानीय कृष्ण पुनको भैंसीफार्ममा काम गर्ने पाँचैजनाको बन्चरो प्रहार गरेर हत्या गरिएको हो।</p>
<p>जिल्ला प्रहरी कार्यालय रुपन्देहीका प्रमुख एसपी हेमकुमार थापाले घटनाको आवश्यक अनुसन्धान भइरहेको जानकारी दिए। जिल्ला प्रहरी कार्यालय, स्थानीय प्रहरी चौकी लगायतको टोली अहिले घटनास्थलमा नै छ।</p>
<p>घटनास्थलको मुचुल्का संकलन गर्ने काम भइरहेको रुपन्देही प्रहरीले जनाएको छ। ५ नम्बर प्रदेश प्रहरी कार्यालयले प्रहरी वरिष्ठ उपरीक्षक राजकुमार बैदवारको नेतृत्वमा अनुसन्धान टोलीसमेत गठन गरेको छ। एसएसपी वैदवारले आफू घटनास्थलतर्फ गइरहेको र घटना के कसरी भएकोे भन्ने अनुसन्धानपछि खुल्ने देखापढीलाई जानकारी दिए।</p>
<p><strong>यो पनि पढ्नुहोस्</strong><br />
<a href="https://www.dekhapadhi.com/news/14799" target="_blank">रूपन्देहीमा ५ जनाको सामुहिक हत्या</a></p>
<p> </p>
प्रतिक्रिया दिनुहोस्
.jpg)
