बेलायतबाट नेपाल फर्किन चाहन्छन् ३९१ जना
<p>लन्डन। बेलायतबाट नेपाल फर्कन तीन सय ९१ जनाले इच्छा देखाएका छन्।</p>
<p>उनीहरूको विवरण नेपाल पठाइएको लन्डनस्थित नेपाली दूतावासले जनाएको छ। लकडाउनका कारण स्वदेश फर्किन नपाएकाहरूको विवरण संकलन गरी दूतावासले काठमाडौं पठाएको हो।</p>
<p>दूतावासका प्रवक्ता शरदराज आरणका अनुसार तीमध्ये भिसाको म्याद सकिएका र यसै महीना सकिने अवस्थामा रहेका एक सय ५४ जना छन्।</p>
<p>यस्तै, रोजगारी गुमाएर घर फर्किन खोजेका ९४, अध्ययनका लागि आएका र अध्ययन पूरा गरेका ५०, नेपाल सरकारले तालिमका लागि पठाएका नेपाली सेनाका अधिकृत र कर्मचारी पाँच जना, परीक्षा र तालिमका लागि आएका चिकित्सक र कर्मचारी २१ तथा पारिवारिक वा अन्य कारणले नेपाल फर्कनुपर्ने ६५ जनाले स्वदेश फर्किन आवेदन दिएका छन्। <em><strong>रासस</strong></em></p>
प्रतिक्रिया दिनुहोस्
.jpg)
