रूपन्देहीमा ५ जनाको सामुहिक हत्या
<p>काठमाडौं। रूपन्देहीको तिलोत्तमामा रहेको एक भैंसीफार्ममा काम गर्ने ५ जनाको विभत्स रुपमा सामुहिक हत्या भएको छ।</p>
<p>तिलोत्तमा नगरपालिका १० कान्छीबजारमा रहेको फार्ममा काम गर्ने ५ जनाको हत्या भएको अवस्थामा शव भेटिएको जिल्ला प्रहरी कार्यालय रुपन्देहीले जनाएको छ।</p>
<p>स्थानीय कृष्ण पुनको भैंसी फार्ममा काम गर्ने कामदारको हत्या भएको रुपन्देहीका प्रहरी प्रमुख एसपी हेमकुमार थापाले जानकारी दिए। मृतकहरूको पहिचान हुन सकेको छैन।</p>
<p>अहिले प्रहरी टोली घटनास्थलमा पुगेर मुचुल्का उठाउने काम गरिरहेको छ। पाँचै जनाको हत्या गरेर तन्नाले ढाकेको अवस्था शवहरु देखिएपछि स्थानीयवासीले प्रहरीलाई खबर गरेका थिए।</p>
<p>“पाँचजनाको हत्या भएको छ। अहिले प्रहरी घटनास्थलमा पुगेर अध्ययन गर्दैछ,” एसपी थापाले भने, “त्यसपछि मात्रै घटनाको बारेमा विस्तृत जानकारी आउँला।”</p>
प्रतिक्रिया दिनुहोस्
.jpg)
