गण्डकी प्रदेशमा २४ जना संक्रमित थपिए
<p>काठमाडौं । गण्डकी प्रदेशमा आज थप २४ जना नयाँ संक्रमित थपिएका छन्। स्वास्थ्य निर्देशनालयका अनुसार पोखरा स्वास्थ्य विज्ञान प्रतिष्‍ठानमा गरिएको नमुना परीक्षणमा नवलपरासी, म्याग्दी र बाग्लुङका २४ जनामा संक्रमण पुष्टि भएको हो। </p>
<p>नवलपरासी बर्दघाट सुस्ता पूर्वको बौदीकाली गाउँपालिकाका १२ जनामा संक्रमण पुष्टि भएको छ। क्‍वारेन्टाइनमा रहेका ४०, १९, ३०, १८, २२, २१, १९, २२, ४०, २०, १८ र ३० का १२ जना पुरुषमा कोरोना संक्रमणको पुष्टि भएको निर्देशनालयले जनाएको छ।</p>
<p>उनीहरूलाई रजहरस्थित सामुदायिक प्राकृतिक चिकित्सालयको आइसोलेसन कक्षमा लैजाने तयारी भइरहेको छ। यस्तै म्याग्दीको बेनी नगरपालिकाका ४६ वर्षका १ जना पुरुषमा पनि कोरोना संक्रमणको पुष्टि भएको छ।</p>
<p>बाग्लुङको निसीखोला गाउँपालिकाका वर्ष २१, २६ र २७ का ३ जना पुरुष र सोही जिल्ला बरेङ गाउँपालिका घर भएर क्‍वारेन्टाइनमा रहेका २४, २२, १८, २४, १८, ४९, २३ र २७ का ८ जना पुरुषमा कोरोना संक्रमणको पुष्टि भएको छ।</p>
<p>उनीहरूलाई सरकारी अस्पतालको आइसोलेसन कक्षमा लैजाने तयारी भइरहेको छ। योसहित गण्डकी प्रदेशमा कोरोना संक्रमितको संख्या १४४ पुगेको छ।</p>
प्रतिक्रिया दिनुहोस्
.jpg)
