यकिन तथ्यांक सेयर गर्न ब्राजिललाई विश्व स्वास्थ्य संगठनको अपिल
<p>जेनेभा। विश्‍व स्वास्थ्य संगठन (डब्लूएचओ)ले कोरोना भाइरससम्बन्धी यकिन तथ्यांक सेयर गर्न आग्रह गरेको छ।</p>
<p>यकिन तथ्यांक संकलनमा ध्यान पनि डब्लूएचओले ब्राजिललाई आग्रह गरेको छ। तथ्यांकको पारदर्शितामाथि पनि डब्लूएचओले जोड दिएको छ।</p>
<p>कोभिड-१९ बाट सर्वाधिक प्रभावित दोस्रो मुलुक हो, ब्राजिल। हालसम्म ६ लाख ९१ हजारजना संक्रमित भइसकेका छन्। र, ४० हजारभन्दा बढीले ज्यान गुमाइसकेका छन्।</p>
<p>महामारीलाई ‘ह्यान्डल’ गर्ने शैली गलत भएको बताउँदै ब्राजिल सरकारको आलोचना पनि हुँदै आएको छ।</p>
<p>डब्लूएचओका इमर्जेन्सी हेल्थ प्रमुख माइकल र्‍यानले नागरिकको सुरक्षाका लागि यकिन र पारदर्शी तथ्यांक सार्वजनिक हुनुपर्ने बताए। “भाइरस कति फैलिएको छ भन्‍ने नागरिकले थाहा पाउनुपर्छ,” उनले भने।</p>
प्रतिक्रिया दिनुहोस्
.jpg)
