महामारीमा जागिर खोसिएपछि शरीरमा आगो लगाएका अस्पतालका कर्मचारीको मृत्यु
<p>कैलाली। आफ्नै शरीरमा पेट्रोल छर्केर आगो लगाएका अछामस्थित बयालपाटा अस्पतालका कर्मचारीको मृत्यु भएको छ।</p>
<p>अस्पतालले आर्थिक संकट भएको भन्दै जागिरबाट हटाएपछि आज साफेबगर नगरपालिका-६ भागेश्वरका सिद्धार्थ आउजीले आफ्नै शरीरमा पेट्रोल छर्केर आगो लगाएका थिए।</p>
<p>जलेर घाइते भएका उनलाई दिउँसो हेलिकप्टरमा उद्धार गरी थप उपचारका लागि कोहलपुर लगिएको थियो।</p>
<p>उनको उपचारको क्रममा कोहलपुर अस्पतालमा केही बेरअघि मृत्यु भएको अछामका सहायक प्रमुख जिल्ला अधिकारी नन्दकिशोर यादवले <em>देखापढी</em>लाई बताए।</p>
<p>"उहाँको मृत्यु भएको भर्खरै हामीलाई जानकारी आएको छ", सहायक प्रजिअ यादवले भने।</p>
<p>उनके मृत्यु भएको जानकारी आफुले भर्खरै पाएको बताए ।</p>
<p>अस्पतालले हटाएपछि केहि दिनदेखि तनावमा रहेका उनले परिवारको रोजीरोटी खोसिएको भन्दै आगो लगाएको बताइएको छ।</p>
<p> बयलपाटा अस्पतालले आर्थिक संकट परेको भन्दै उनी लगायत ३२ जना कर्मचारीलाई हटाएको थियो।</p>
प्रतिक्रिया दिनुहोस्
.jpg)
