पछिल्लो २४ घण्टामा थपिए ३१४ संक्रमित, कोरोना संक्रमितको संख्या ३ हजार ७६२ पुग्यो
<p>काठमाडौं। नेपालमा पछिल्लो २४ घण्टामा ३१४ जना कोरोना भाइरस संक्रमित थपिएका छन्।</p>
<p>देशका विभिन्न प्रयोगशालामा गरिएको नमूना परीक्षणमा ३१४ जनामा संक्रमण पुष्टि भएको स्वास्थ्य मन्त्रालयले जनाएको छ।</p>
<p>मन्त्रालयका अनुसार नेपालमा संक्रमितको संख्या तीन हजार ७६२ पुगेको छ।</p>
<p>कोभिड-१९ पोजिटभ पुष्‍टि भएकाहरूमा २९४ जना पुरुष र २० जना महिला छन्।</p>
<p>पछिल्लो २४ घण्टामा २० पुरुष र १ महिला गरी २१ जना कोरोनामुक्त भएर घर फर्किएको मन्त्रालयले जनाएको छ।</p>
<p>कोरोना संक्रमणबाट मुक्त हुनेको कूल संख्या ४८८ पुगेको छ। जसमध्ये ४१९ जना पुरुष र ६९ जना महिला रहेको प्रवक्ता डा. जागेश्वर गौतमले बताए।</p>
<p>हालसम्म एक लाख ९७२ पीसीआर परीक्षण भएको छ भने एक लाख ५६ हजार ९९१ आरडिटी परीक्षण गरिएको छ।</p>
<p>पछिल्लो २४ घण्टामा चार हजार ७६६ जनाको पीसीआर प्रविधिबाट परीक्षण गरिएको छ।</p>
<p>मन्त्रालयका अनुसार देशभर अहिले एक लाख ६६ हजार ६६८ जना क्वारेन्टाइनमा छन् भने आइसेलेसनमा तीन हजार २६० जना छन्।</p>
प्रतिक्रिया दिनुहोस्
.jpg)
