शरीरमा आगो लगाएका अस्पतालका कर्मचारीलाई हेलिकप्टरमा कोहलपुर लगियो
<p style="text-align: justify;">कैलाली। आफ्नै शरीरमा पेट्रोल छर्केर आगो लगाएका अछाम बयालपाटा अस्पतालका कर्मचारीलाई हेलिकप्टरमार्फत कोहलपुर लगिएको छ।</p>
<p style="text-align: justify;">अस्पतालले आर्थिक संकट भएको भन्दै जागिरबाट हटाएपछि आज साफेबगर नगरपालिका-६ का सिद्धार्थ आउजीले आफ्नै शरिरमा पेट्रोल छर्केर आगो लगाएका थिए।</p>
<p style="text-align: justify;">सिम्रीक एअरको हेलिकोप्टरमार्फत उनलाई उद्धार गरेर कोहलपुर लगिएको सामाजिक विकास मन्त्रालयका सूचना अधिकारी हेमराज खड्काले जानकारी दिए।</p>
<p style="text-align: justify;"> बयलपाटा अस्पतालले आर्थिक संकट परेको भन्दै उनी लगायत ३२ जना कर्मचारीलाई हटाएको थियो।</p>
<p style="text-align: justify;">अस्पतालले हटाएपछि केहि दिनदेखि तनावमा रहेका उनले परिवारको रोजीरोटी खोसिएको भन्दै आगो लगाएको बताइएको छ।</p>
<p style="text-align: justify;">कार्यसम्पादन, अनुशासनको आधारमा कर्मचारीहरू हटाइएको अस्पतालले जनाएको छ।</p>
<p style="text-align: justify;"><em>पढ्नुहोस्:</em></p>
<p style="text-align: justify;"><a href="https://www.dekhapadhi.com/news/14739"><em>महामारीका कारण जागिर खोसिएपछि आफ्नै शरीरमा आगो लगाए अस्पतालका कर्मचारीले</em></a></p>
.jpg)
