कोभिड-१९ बाट सर्वाधिक प्रभावित न्युयोर्क लकडाउनबाट बाहिर निस्किँदै
<p>न्युयोर्क। चीनबाट शुरु भएको कोभिड-१९ को महामारीबाट सबैभन्दा प्रभावित बन्यो, अमेरिका। र, अमेरिकामा पनि सर्वाधिक प्रभाव न्युयोर्कमा देखियो। त्यही न्युयोर्क शहर लकडाउन भएको ८० दिनपछि पुनः बौरिने क्रममा छ।</p>
<p>आजदेखि न्युयोर्कमा कम आवश्यकताका सामान पाइने पसलहरू पनि खुल्दै छन्।</p>
<p>स्थानीय प्रशासनले कोरोना भाइरसको हटस्पट बनेको न्युयोर्कमा अब परिस्थिति सामान्य बन्दै गएको बताएको छ।</p>
<p>पहिलो चरणमा कन्स्ट्रक्सन, म्यानुफ्याक्चरिङ र रिटेल क्षेत्रसँग जोडिएका करिब चार लाख जनालाई काममा फर्काउने प्रशासनको प्रयास छ। र, शहरको सब-वे रेल प्रणालीका ९० प्रतिशत यात्री काममा फर्किने अनुमान छ।</p>
<p>त्यसरीमा काममा फर्किन लागेका मानिसलाई महामारी रोकथामसम्बन्धी नियमहरू अपनाउन प्रशासनले सजग गराएको छ।</p>
<p>न्युयोर्कमा कोभिड-१९ का दुई लाखभन्दा बढी बिरामी फेला परेका थिए। तीमध्ये २१ हजार आठ सय ४४ जनाले ज्यान गुमाएका थिए।</p>
<p>“आजको दिन नयाँ हुनेछ, न्युयोर्क फेरि खुल्नेछ,” न्युयोर्कका गभर्नर एन्ड्रयु क्योमोले ट्विट गरेका छन्।</p>
प्रतिक्रिया दिनुहोस्
.jpg)
