अनलक-१: भारतमा आजदेखि खुले मल, रेस्टुराँ र धार्मिक स्थल
<p>नयाँदिल्ली। कोरोना भाइरस फैलिन नदिन भारत सरकारले लागू गरेको लकडाउनको अनलक-१ अन्तर्गत् आजदेखि मल, रेस्टुराँ र धार्मिक स्थलहरू आजदेखि खुल्न थालेका छन्।</p>
<p>भारतमा हिजो मात्र नौ हजार नौ सय ७१ नयाँ संक्रमित थपिएका थिए। त्यसका बावजुद सरकारले लकडाउन खुकुलो बनाउँदै लगेको हो। </p>
<p>बीबीसीका अनुसार इटली, स्पेनलगायत मुलुकलाई उछिन्दै भारत कोरोना भाइरसका संक्रमित संख्याका आधारमा संसारको पाँचौं नम्बरमा पुगेको छ।<br />
<br />
भारतीय प्रधानमन्त्री नरेन्द्र मोदीले अर्थव्यवस्थालाई पुरानै लयमा फर्काउने प्रयासका रूपमा अनलक-१ घोषणा गरेका थिए। लकडाउनका कारण बेरोजगार बनेका लाखौं मानिस काममा फर्किन सकून् भनेर सरकारले उक्त रणनीति अपनाएको हो।</p>
<p>आजदेखि मल, रेस्टुराँ र धार्मिक स्थलहरू खोल्न सरकारले केही नियम लागू गरेको छ। </p>
<p>केन्टेनमेन्ट जोन घोषणा भएका स्थलहरूमा भने लकडाउन कायमै राखिएको केन्द्रीय स्वास्थ्य मन्त्रालयले जनाएको छ।</p>
प्रतिक्रिया दिनुहोस्
.jpg)
