जम्मु काश्मीरमा भिडन्तमा चारजना मारिए
<p>काठमाडौं। भारतको जम्मु काश्मीरमा आज बिहान सुरक्षाकर्मीसँगको भिडन्तमा चार जना 'आतंककारी' मारिएको प्रहरीको दावीलाई भारतीय सञ्‍चारमाध्यमले छापेका छन्। </p>
<p>समाचार एजेन्सी पीटीआईले स्रोतलाई उद्धृत गर्दै भिडन्तमा तीन जना सुरक्षाकर्मी पनि घाइते भएको जनाएको छ। </p>
<p>हतियारधारी समूहका मानिसहरू लुकेको सूचना पाएपछि सुरक्षाकर्मीले घेरा हालेर नियन्त्रणमा लिने प्रयास गरेका थिए। हतियारधारी व्यक्तिहरूले सुरक्षाकर्मीमाथि फायर गरेपछि 'सर्च अप्रेसन' भिडन्तमा बदलिएको प्रहरीले दावी गरेको छ। ्</p>
<p>घटनास्थल पिन्जोरा २५ जेठ साँझ सुरक्षाकर्मीको कारवाहीमा हतियारधारी समूहका पाँजजना सदस्य मारिएको रेबन गाउँदेखि करिब १२ किलोमिटरको दूरीमा रहेको बताइएको छ। </p>
<p>सैनिक, सेन्ट्रल रिजर्भ पुलिस फोर्स र प्रहरीको संयुक्त समूहले सामूहिक अप्रेसन चलाएको भारतीय मिडियाले उल्लेख गरेका छन्।</p>
प्रतिक्रिया दिनुहोस्
.jpg)
