बर्दियाका प्रजिअसहित १९ को रिपोर्ट नेगेटिभ
<p>गुलरिया। बर्दियाका प्रमुख जिल्ला अधिकारीसहित जिल्ला प्रशासन कार्यालयका १९ कर्मचारीको पीसीआर रिपोर्ट नेगेटिभ आएको छ।</p>
<p>प्रजिअका सवारी चालकलाई शनिबार कोरोना संक्रमण पुष्टि भएपछि प्रजिअसहितका कर्मचारीको स्वाब संकलन गरिएको थियो।</p>
<p>नेपालगञ्‍जको भेरी अस्पतालमा गरिएको परीक्षणका क्रममा प्रजिअ र कर्मचारीमा कोरोना संक्रमण नदेखिएको स्वास्थ्य कार्यालय बर्दियाका प्रमुख गोकर्ण गिरीले जानकारी दिए।</p>
<p>संक्रमित सवारी चालकले सरुवा हुनभएका प्रजिअ प्रेमलाल लामिछानेलाई काठमाडौं पुर्‍याएर नयाँ प्रजिअ लीलाधर अधिकारीलाई त्यहीँबाट लिएर आएका थिए।</p>
<p>सरुवा हुनुभएका प्रजिअ लामिछानेको पीसीआर रिपोर्ट नेगेटिभ देखिए पनि चालकको पोजिटिभ देखिएको थियो। चालकलाई गुलरियास्थित जिल्ला समन्वय समितिको सभाकक्षको आइसोलेसनमा राखिएको छ। <strong>रासस</strong></p>
प्रतिक्रिया दिनुहोस्
.jpg)
