राष्ट्रपति निर्वाचनमा ट्रम्पलाई भोट दिन्नँः रिपब्लिकन नेता पावेल
<p>वासिङ्टन। अमेरिकाका पूर्वविदेशमन्त्री कोलिन पावेलले राष्‍ट्रपति डोनाल्ड ट्रम्प संविधानबाट टाढिएको बताएका छन्। पावेल अमेरिकी सेनाका पूर्वप्रमुख पनि हुन्।</p>
<p>उनी हाल सत्तारुढ रिपब्लिकन पार्टीकै नेता जर्ज डब्लू बुस राष्‍ट्रपति छँदा विदेशमन्त्री बनेका थिए।</p>
<p>ट्रम्पले हाल भइरहेका जातिवाद विरोधी आन्दोलन दबाउन सेना परिचालन गर्ने धम्की दिएकामा पावेलले आलोचना गरे। र, आगामी राष्‍ट्रपति निर्वाचनमा ट्रम्पलाई नभई डेमोक्रेटिक उम्मेदवार जोय बाइडेनलाई आफूले मत दिने घोषणा गरे।</p>
<p>पावेलको अभिव्यक्ति आएलगत्तै ट्रम्पले ट्विट गर्दै अनावश्यक महत्व पाएको व्यक्ति भएको आरोप लगाएका छन्।</p>
<p>पावेल अफ्रिकी-अमेरिकी समुदायबाट अमेरिका सैन्य प्रमुख बन्‍ने हालसम्मका पहिलो व्यक्ति हुन्। </p>
प्रतिक्रिया दिनुहोस्
.jpg)
