चीनमा कोभिड-१९ का ६ नयाँ बिरामी
<p>बेइजिङ। कोरोना भाइरसको उद्‍गम मुलुक चीनमा पछिल्लो २४ घण्टामा ६ नयाँ संक्रमित थपिएका छन्।</p>
<p>तीमध्ये पाँचजनामा कोभिड-१९ को कुनै लक्षण देखिएको थिएन। </p>
<p>समाचार एजेन्सी रोयटर्सका अनुसार शनिबार चीनमा तीनजना नयाँ सक्रमित भेटिएका थिए। </p>
<p>अमेरिकाको जोन हकिन्स विश्‍वविद्यालयका अनुसार चीनमा कोरोना भाइरस संक्रमणका ८३ हजारभन्दा बढी बिरामी फेला परेका छन्। हालसम्म यहाँ चार हजार ६ सय ३४ जनाले ज्यान गुमाएका छन्।</p>
<p>यसैबीच, इटलीमा संक्रमितको संख्या घट्दो क्रममा छ। रुसमा भने निरन्तर बढिरहेको छ। इटलीमा पछिल्लो २४ घण्टामा एक सय ९७ जना नयाँ संक्रमित थपिएका छन् भने ५३ जनाले ज्यान गुमाएका छन्। </p>
<p>योसहित कोरोना संक्रमितको संख्या दुई लाख ३५ हजार पुगेको छ भने करिब ३४ हजारले ज्यान गुमाएका छन्।</p>
<p>रुसमा भने पछिल्लो २४ घण्टामा करिब नौ हजार नयाँ संक्रमित थपिएका छन् भने एक सय ३४ जनाले ज्यान गुमाएका छन्। रुसमा हालसम्म पाँच हजार आठ सय ५९ जनाको मृत्यु भएको छ।</p>
प्रतिक्रिया दिनुहोस्
.jpg)
