बर्दियाबाट सरुवा भएका सीडीओ पुर्याएर आएका सवारी चालकलाई कोरोना संक्रमण
<p>बर्दिया। बर्दियाका प्रमुख जिल्ला अधिकारीका सवारी चालकलाई कोरोना संक्रमण पुष्टि भएको छ। </p>
<p>भेरी अस्पताल, नेपालगञ्जमा गरिएको पीसीआर परीक्षणमा ५५ वर्षीय चालकमा हिजो, २४ जेठमा कोभिड-१९ पोजिटिभ देखिएको हो।<br />
<br />
उनी दुई दिनअघि सरुवा भएका प्रजिअ प्रेमलाल लामिछानेलाई काठमाडौं पुर्‍याएर नयाँ प्रजिअ लीलाधर अधिकारीलाई लिएर आएका थिए।</p>
<p>सरुवा भएका प्रजिअ लामिछानेको पिसिआर नेगेटिभ देखिएको प्रशासकीय अधिकृत बालकृष्ण अधिकारीले बताए।</p>
<p>चालकलाई गुलरियास्थित जिल्ला समन्वयको सभाकक्षको आइसोलेसनमा राखिएको छ ।</p>
<p>यहाँ थप १९ जनाको स्वाब संकलन गरिएको छ। जिल्ला प्रशासन कार्यालयका सबैलाई सेल्फ क्वारेन्टाइनमा राखी कार्यालयको आन्तरिक काम गरिने तर कार्यालय बन्द नगरिने प्रशासकीय अधिकृत अधिकारीले जानकारी दिए। <em>रासस</em></p>
प्रतिक्रिया दिनुहोस्
.jpg)
