लकडाउनले बन्द मालपोत कार्यालय अढाई महीनापछि आजबाट खुल्दै
<p style="text-align: justify;">काठमाडौं। देशभरका मालपोत कार्यालयहरू आजदेखि खुल्‍ने भएका छन्।</p>
<p style="text-align: justify;">कोरोना भाइरस संक्रमणको जोखिम फैलिन नदिन लागू गरिएको लकडाउनका कारण ११ चैतदेखि बन्द भएका मालपोत कार्यालय साढे दुई महीनापछि सञ्‍चालन गरिने भएको हो।</p>
<p style="text-align: justify;">मालपोत कार्यालय बन्द हुँदा जग्गा र यसको कारोवारको क्रममा हुने राजस्व संकलन समेत प्रभावित भएको थियो।</p>
<p style="text-align: justify;">भूमि व्यवस्थापन तथा अभिलेख विभागले सूचनामार्फत आजदेखि सेवा पुनः सञ्चालन गर्न देशभरका मालपोत कार्यालयलाई निर्देशन दिएको छ।</p>
<p style="text-align: justify;">विभागका अनुसार सेवाग्राहीको अनुरोधलाई स्वीकार गर्दै मालपोत कार्यालय खोल्न लागिएको हो।</p>
<p style="text-align: justify;">ती कार्यालयहरूले आवश्यक स्वास्थ तथा सुरक्षाका सावधानी अपनाएर सेवा सञ्चालन गर्नेछन्।</p>
.jpg)
