गण्डकी प्रदेशमा थपिए ३८ जना संक्रमित
<p style="text-align: justify;">काठमाडौं। गण्डकी प्रदेशका चार जिल्लामा ३८ जना नयाँ संक्रमित थपिएका छन्।</p>
<p style="text-align: justify;">गण्डकी प्रदेश स्वास्थ्य निर्देशनालयले विज्ञप्ति जारी गरेर चार वटा जिल्लामा कोरोनाका ३८ जना संक्रमित थपिएको जनाएको छ।</p>
<p style="text-align: justify;">निर्देशक डा. विनोद विन्दु शर्माका अनुसार स्याङ्जामा १४, बाग्लुङमा १०, गोरखामा १० र नवलपरासी बर्दघाट सुस्ता पूर्वमा चारजनामा कोभिड-१९ पुष्‍टि भएको हो।</p>
<p style="text-align: justify;">उनीहरू सबै पुरुषहरू छन्। पछिल्लोपटक संक्रमण पुष्‍टि भएका उनीहरूलाई जिल्ला अस्पतालको आइसोलेसनमा लैजाने तयारी भइरहेको निर्देशनालयले जनाएको छ।</p>
<p style="text-align: justify;">यो सहित गण्डकी प्रदेशमा कूल संक्रमित ११३ पुगेको छ।</p>
.jpg)
