कैलालीका एक काेराेना संक्रमित काठमाडाैं रेफर
<p>कैलाली। धनगढीका एकजना कोरोना संक्रमितलाई काठमाडौं रेफर गरिएको छ।</p>
<p>स्वास्थ्यमा समस्या देखिएपछि धनगढी उपमहानगरपालिका-५ का ५१ वर्षीय कोरोना संक्रमितलाई काठमाडौं रेफर गरिएको हो।</p>
<p>सेती प्रादेशिक अस्पतालअन्तर्गत कोरोना अस्थायी अस्पतालमा कोरोना संक्रमित बिरामीको उपचारमा संग्लन डाक्टर निराजनदत्त शर्मा पौडेलले उनलाई हिजाे, २३ जेठ राति साढे १० बजे रेफर गरीएको बताए।</p>
<p>संक्रमितलाई निमोनियाका साथै मृगौलामा समेत समस्या रहेकाले काठमाडौं रेफर गरिएको पौडेलले जानकारी दिए।</p>
<p>सेती अस्पताल कोभिड उपचार लेवल–२ को अस्पताल भएकाले थप उपचारका लागि लेवल–३ को त्रिवि शिक्षण अस्पताल काठमाडाैं रेफर गरिएको डाक्टर पौडेलले बताए।</p>
<p>भारतबाट त्रिनगर भन्सार नाका भएर आएका उनीसहित सुदूरपश्चिममा पाँचजनामा २१ जेठमा कोरोना संक्रमण पुष्टि भएको थियो।</p>
प्रतिक्रिया दिनुहोस्
.jpg)
