बाजुरामा क्वारेन्टाइनमा बसेका पुरुषको मृत्यु
<p>कैलाली। बाजुराको खप्तड छेडेदह गाउँपालिका ७ को क्‍वारेन्टाइनमा बसिरहेका एक वृद्धको मृत्यु भएको छ।</p>
<p>१५ जेठमा भारतबाट आएर बुढाबाडास्थित मष्‍टा आधारभुत विद्यालयको क्‍वारेन्टाइनमा बसेका ६५ वर्षीय वृद्धको गएराति मृत्यु भएको हो।</p>
<p>हिजो साँझदेखि खाना नखाएका उनलाई राति स्वास्थ्यमा समस्या देखिएपछि अस्पताल लैजाने तयारी गर्दैगर्दा मृत्यु भएको बाजुराका प्रमुख जिल्ला अधिकारी कृष्‍ण गैरेले जानकारी दिए।</p>
<p>मृतकको कोभिड-१९ परीक्षणका लागि स्वाब संकलन गरिएको र परीक्षणपछि मात्रै दाहसंस्कार गरिने प्रजिअ गैरेले बताए।</p>
<p>स्वाबको रिपोर्ट नआउन्जेल शवको व्यवस्थापनका लागि आफू उक्त स्थानतर्फ जान लागेको उनले जानकारी दिए। नेपाली सेनाको समन्वयमा शवलाई क्‍वारेन्टाइनबाट छुट्टै राखिने उनले बताए।</p>
प्रतिक्रिया दिनुहोस्
.jpg)
