घरमै बनेका मास्क पनि उपयोगीः डब्लूएचओ
<p>जेनेभा। विश्‍व स्वास्थ्य संगठन (डब्लूएचओ)ले एक नयाँ गाइडलाइन सार्वजनिक गर्दै घरमै बनाइएका मास्क पनि कोरोना भाइरसको प्रसार रोक्न उपयोगी भएको बताएको छ।</p>
<p>यसअघि सर्जिकल र एन-९५ मास्कले मात्र कोरोना भाइरसबाट बचाउने डब्लूएचओले बताउँदै आएको थियो।</p>
<p>सार्वजनिक यातायात, बजार, शरणार्थी शिविरलगायत भीडभाडयुक्त ठाउँमा घरमा बनेका मास्क पनि लगाउन सकिने डब्लूएचओको भनाइ छ। त्यसबाट कोरोना भाइरसको प्रसार रोक्ने सकिने संस्थाले बताएको छ।</p>
<p>तर, ६० वर्षभन्दा बढी उमेरका र एकभन्दा बढी बिमारीको सामना गरिरहेका व्यक्तिहरूले मेडिकल ग्रेडको मास्क लगाउनु उचित हुने डब्लूएचओले सल्लाह दिएको छ।</p>
<p>मास्क लगाउने विषयमा जारी हुने गाइडलाइनले मानिसमा भ्रम पैदा गरेको विशेषज्ञहरूले बताउँदै आएका थिए। सबैले मेडिकल स्तरका मास्क लगाउँदा उनीहरूमा त कोरोना भाइरसको प्रसार हुँदैन तर स्वास्थ्यकर्मीहरूलाई मास्कजस्ता अत्यावश्यक सामग्रीको अभाव हुने विशेषज्ञहरूको भनाइ थियो।</p>
<p>कतिपयलाई कोरोना भाइरसको लक्षण देखिन्जेलसम्ममा अत्यधिक संक्रमण भइसकेको र कतिपयलाई संक्रमित भइसक्दा पनि लक्षण नदेखिने समस्या विशेषज्ञहरूले पत्ता लगाएका छन्। सोही कारण घरेलु मास्क नियमित लगाउँदा भाइरसको प्रसार रोक्न सकिने निष्कर्षमा वैज्ञानिकहरू पुगेका हुन्।</p>
प्रतिक्रिया दिनुहोस्
.jpg)
