झापाका स्थानीय तहलाई अन्तर्राष्ट्रिय झापाली समाजको सहयोग
<p>झापा। अन्तर्राष्ट्रिय झापाली समाजले झापाका स्थानीय तहलाई कोभिड-१९ परीक्षण गर्नका लागि आवश्यक पर्ने भाइरल ट्रान्सपोर्ट मिडियम (भीटीएम) कीट सहयोग गरेको छ।</p>
<p>समाजले आज कनकाई, बिर्तामोड, अर्जुनधारा नगरपालिका र हल्दिबारी गाउँपालिकालाई एक सय थानका दरले भीटीएम किट उपलब्ध गराएको हो।</p>
<p>समाजले झापाका १५ वटै स्थानीय तहलाई एक सय थानका दरले किट उपलब्ध गराउने समाजका उपाध्यक्ष नवीन पोखरेलले जानकारी दिए।</p>
<p>किट वितरण कार्यक्रममा एकका लागि एक अभियानका सह-संयोजक विनोद बस्नेत, झापाली समाज अस्ट्रेलियाका सदस्य भीष्म ओली, रोटरी क्लब अफ सुरुंगाका उपाध्यक्ष शिव कँडेल, वीरता जेसीजका अध्यक्ष मिजास पोखरेल, महासचिव विकास बस्नेतलगायतको सहभागिता थियो।</p>
<p>समाजले कोरोना महामारीको सामना गर्नका लागि आवश्यक पर्ने अन्य सहयोग पनि प्रदान गर्ने जनाएको छ।</p>
<p>कोरोना महामारीको समयमा समाजले राष्ट्रिय कार्य समितिहरूसँग समन्वय गर्दै राहत कार्यको शुरूआत गरेको झापाली समाज अस्ट्रेलियाका सदस्य भीष्म ओलीले जानकारी दिए।</p>
प्रतिक्रिया दिनुहोस्
.jpg)
