तेक्वान्दो खेलाडीलाई सदस्यसचिव सिलवालको सहयाेग
<p>काठमाडौं। कोभिड-१९ महामारीका कारण समस्यामा परेका तेक्वान्दो खेलाडीलाई राष्ट्रिय खेलकुद परिषद् (राखेप)का सदस्यसचिव रमेशकुमार सिलवालको तर्फबाट सहयोगस्वरूप खाद्यान्न प्रदान गरिएको छ।</p>
<p>दिलिप स्मृति तेक्वान्दो डोजाङका ४० खेलाडीलाई राहत वितरण गरिएको हो। करीब ५० हजार रूपैयाँ बराबरको राहत वितरण गरिएको थियो।</p>
<p>सदस्यसचिवको तर्फबाट उनका स्वकीय सचिव मनोज खड्गी, स्नुकरका चार पटकका राष्ट्रिय च्याम्पियन सरोजकुमार मुल्मी, तेक्वान्दो प्रशिक्षक हीरा थापा, डोजाङ प्रमुख राजेन्द्र खत्रीलगायतले खेलाडीलाई राहत वितरण गरे।</p>
<p>सदस्यसचिव सिलवाल आफैं उपस्थित भई राहत वितरण गर्ने कार्यक्रम भए पनि कार्य व्यस्ताका कारण उपस्थित हुन नपाएको राखेपले जनाएको छ।</p>
<p>त्यस्तै काठमाडौं जिल्ला तेक्वान्दो कार्यसमितिले पनि आफ्नो मातहतमा रहेका डोजाङ र विद्यालयमा प्रशिक्षण गर्ने तेक्वान्दो खेलाडीलाई सहयोग गरेको छ। कार्यसमितिका सचिव कुमार लामा घिसिङले लकडाउनका कारण समस्या परेका ७० परिवारलाई खाद्यान्न प्रदान गरेको बताए।</p>
<p>पहिलो चरणमा उनीहरूलाई चामल, दाल, तेल र नुन प्रदान गरिएको थियो। कार्यसमितिले ३६ हजार बराबरको खाद्यान्न प्रदान गरेको थियो। काठमाडौं जिल्ला तेक्वान्दो कार्यसमितिले लकडाउन धेरै लम्बिएमा समस्यामा परेका खेलाडी पहिचान गरी दोस्रो चरणमा सहयोग गर्ने बताएकाे छ।</p>
प्रतिक्रिया दिनुहोस्
.jpg)
