क्वारेन्टाइनमा बस्नेकाे संख्या एक लाख ६६ हजार नाघ्याे, आइसोलेसनमा दुई हजार ५६८ संक्रमित
<p>काठमाडौं। देशैभरका अस्पतालमा आजसम्म दुई हजार ५६८ जना कोरोना संक्रमित उपचाररत छन्।</p>
<p>स्वास्थ्य तथा जनसंख्या मन्त्रालयका अनुसार प्रदेश १ मा १६६, २ मा ८७१, बागमतीमा ५०, गण्डकीमा ५४, प्रदेश ५ मा ८६९, कर्णालीमा ४७५ र सुदूरपश्चिममा ८३ जना संक्रमति आइसोलेसनमा छन्।</p>
<p>आजसम्म देशैभर क्वारेन्टाइनमा एक लाख ६६ हजार ७६५ जना छन्। मन्त्रालयका अनुसार प्रदेश १ मा चार हजार ५९, २ मा २१ हजार ३६३, बागमतीमा तीन हजार ५७७, गण्डकीमा पाँच हजार ४४२, प्रदेश ५ मा ४० हजार १४६, कर्णालीमा ३१ हजार ९५२ र सुदूरपश्चिममा ६० हजार २२६ जना छन्।</p>
<p>देशैभर आजसम्म ८८ हजार ३६६ पीसीआर र आरडीटी किट विधिबाट एक लाख ३२ हजार ९६६ नमूना परीक्षण भएका छन्।</p>
<p>पछिल्लो २४ घण्टामा चार हजार २३२ पीसीआर र सात हजार ४०२ आरडीटी विधिबाट परीक्षण भएका छन्।</p>
<p>हालसम्म ३३३ जना डिस्चार्ज भएका छन्। तीमध्ये प्रदेश १ मा ७६, २ मा १२१, बागमतीमा ३२, गण्डकीमा तीन, प्रदेश ५ मा ९२, कर्णालीमा दुई र सुदूरपश्चिममा सातजना छन्।</p>
प्रतिक्रिया दिनुहोस्
.jpg)
