कोरोना हटस्पट बनेका दैलेखका नारायण र दुल्लु क्षेत्रमा निषेधाज्ञा
<p>काठमाडौं। कर्णाली प्रदेशमा कोरोना संक्रमणको हटस्पट बनेको दैलेखका दुई नगरपालिकामा निषेधाज्ञा जारी गरिएको छ।</p>
<p>दैलेखका प्रमुख जिल्ला अधिकारी युवराज कटेलले आज साँझ ६ बजेदेखि लागू हुने गरी निषेधाज्ञा जारी गरिएको बताए।</p>
<p>स्थानीय प्रशासनले नारायण नगरपालिका र दुल्लु नगरपालिका क्षेत्रमा निषेधाज्ञा जारी गरेको हो।</p>
<p>संक्रमण थप फैलिन नदिनका लागि जिल्ला सुरक्षा समितिको बैठकबाट निषेधाज्ञा जारी गर्ने निर्णय गरिएको प्रमुख जिल्ला अधिकारी कटेलले जानकारी दिए।</p>
<p>भारतबाट घर फर्किने नेपालीहरूको संख्या बढेसँगै अहिले दैलेखमा दिन प्रतिदिन कोरोना संक्रमित बढिरहेका छन्।</p>
<p>हिजोमात्र दैलेखमा एकैदिन ११३ जनामा संक्रमण पुष्टि भएको थियो।</p>
प्रतिक्रिया दिनुहोस्
.jpg)
